TRAVADOS

TRAVADOS

dicunt Lusitani Ecnephias ventosque subitaneos, qui sum mo cum impetu e nube erumpentes, sursum deorsum omnia vertunt. Sentinuntur frequenter in Oceano Atlantico, inter Brasiliam et Africam, ad Guineam sub Aequatore, ad Loango, ad Caput Bonae Spei. ad Terram de Natal, ad Promuntor. Guardafuy. Horum olim truculentiam magnâ hominum naviumque strage experti sunt Lusitani, antequam sufficienti Oceani notitiâ imbuti eslent, vide Maffeium, Hist. Ind. l. 1. Memorabile est, in monte quodam Promuntorii Bonae Sper, Belgis der Tafelberg dicto, observari primo mi nimam nubeculam; mox totam operiri montis latitudinem. Quod simul ac nautae sentiant, collectis velis a littore recedunt, et alto sese committentes, inevitabilem alioqui tempestatem declinant. E montis vertice enim tam validus ventus emittitur e vestigio, ut nulta tam bene compacta navis sit, quam vis eius non ex facili frangat. Nec alîus generis videntur concitatissimi turbmes, quos subinde in Arabiae desertis itinerantes, imprimis qui Mecham adeunt, experiuntur. Nimirum densa et atra nubes flammeis nubeculis mixta tenebras diei inducit; mox procella erum pit, cuius saevitia licet brevi remittat, rubram tamen arenam tantâ copiâ in terram mareque spargit, ut integra saepenumero Mercarorum societas Caravana 6000. et amplius hominum, sabulô obruta legatur. Sunt haec fam osa illa maris arenosi pericula, indeque Arabum et Aegyptiorum mumiae fieri, corporibus illis ardore solati exsiccatis, creduntur. Vide Ludov. Vartomannum, Itiner. l. 1. c. 12. Simile quiddam Typhones sunt illi, Orkanes Indis, frequentissimi inter Malaccam et Iaponiam: item inter Navazam et Iamaicam Americae Insulas, Vide Vinc. le Blanc. Itiner. part. 2. c. 22. Prope Guineam et sub Aequa tore, in mari Atlantico, perpetua fere malacia est, et motio aeris nulla, nisi quam Ecnephiae subinde cient: quam ob causam Guineae litora ex Europa in Indiam, vel hinc in Europam navigantes tam caure devitant. Vide Becmannum, Hist. Orbis Terr. Geogr. et Civ. c. 2. de Hist. Ventorum.